قصيدة مسحراتى للأخ جودة فى الوضع الحالى

مسحراتي
مسكت طبلتي في إيدي
وخت العهد على نفسي
أصحي الناس.
هاصون العهد وهأسحر
هتف قلبي بكل حماس
نادت في الناس بأعلى
الصوت.
رجع صوتي بغير إحساس
ضربت طبلتي بقوة
صرخت وصرختي دوت
مبين جدران
وصمت رهيب
وليل مظلم مفيش خناس
ولا كناس
يا ناس اصحوا
يا ناس ضعتم
يا ناس جعتم
يا ناس أغراكم الخناس
أراضيكم بقت ملعب
وحضراتكم بقى الكورة
رايحين جايين
ما بين رجلين بيصوب
علشان تكسب
وتهدى الفوز
للفايز
وتتعاطف مع المغلوب
وانتم.....
لا فريق مغلوب
ولا غالب...؛؛
ضحكت وضحكتي دوت
في عز الليل
مش إحنا قوامين
بالليل
كلام ربك
ما بينا دليل