قصيدة أحلام

أحلام
في ليلة من ذات الليالي
من سنين حلمت حلم
لكن حزين
حلمت إن إحنا اتسرقنا
في مال ودين
كابوس عبر ومعاه أنين
اسمع وصلي على الأمين
حكايتنا تبدأ من زمان
يا مسلمين
من أول البيت الحرام
ما كان أمين
وكان ملاذ للمحرومين
وكان وطن للمؤمنين
فيه الكتب والحق
والنور المبين
وفيه تاريخ المرسلين
أمن وأمان للمسلمين
وهلاك لكل الظالمين
لو هموا بالظلم اللعين
اسمع وصلي على الأمين
الكعبة دي مش كعبتي
القبله دي مش قبلتي
يا طيبين
والدين كمان كتبه (( أرسطو ))
أو (( لنين ))
أو حشاشين
أومعتوهين
علشان يخلو الناس تتوه
عن شرع رب العالمين
ضحكوا علينا من زمان
وقالو لنا
دي أحاديث نبينا
عبرة لكم يا مؤ منين
إياكم تكونوا مغفلين
ورضا جاني في المنام
قالي يا عبده
إياك تصدق إن دا
شرع الأمين
أو إننا موحدين
احنا عبيد للمذلولين
كتبو لنا دين من نفسهم
يا مغفلين
وقالو لنا ده
دنيا ودين
لا طلنا دنيا نبقى فيها منغنغين
ولا طلنا ديـــــــــــــــــــــــــن